Marrëveshja SHBA-Iran, Ministri i Jashtëm i Pakistanit: Ceremonia e nënshkrimit do të zhvillohet në Gjenevë

Ministri i Jashtëm i Pakistanit ka konfirmuar qytetin zviceran të Gjenevës si vendin e nënshkrimit të marrëveshjes të premten midis Shteteve të Bashkuara dhe Iranit.

“Ne mezi presim ceremoninë zyrtare të nënshkrimit më 19 qershor në Gjenevë”, shkroi Ishaq Dar në X.

Duke e përshkruar zhvillimin si një “përparim të rëndësishëm”, ministri tha se ai “ofron besimin dhe stabilitetin e nevojshëm për tregjet globale dhe ekonominë botërore, veçanërisht për vendet në zhvillim që janë më të ndjeshme ndaj paqëndrueshmërisë rajonale”.

Ai falënderoi Arabinë Saudite, Katarin dhe Turqinë si disa nga vendet që kishin ofruar “mbështetje dhe përpjekje të sinqerta diplomatike” në sigurimin e këtij “momenti të rëndësishëm historik”.