Gjesti i diskutueshëm i gjyqtarit në Botëror, FIFA del me vendim zyrtar

16 Qershor 2026 | 09:44

FIFA ka vendosur të mos marrë masa disiplinore ndaj arbitrit australian Shaun Evans, pasi një hetim i hapur për një gjest të bërë gjatë një transmetimi televiziv në Kupën e Botës 2026 nuk gjeti prova për shkelje të rregulloreve.

Evans, i cili ishte në detyrën e ndihmësit të gjyqtarit video mbështetës gjatë ndeshjes mes Gjermanisë dhe Curacaos, u pa duke formuar me dorën e djathtë një rreth me gishtin tregues dhe gishtin e madh. Gjesti u komentua në rrjetet sociale, pasi në raste të caktuara është lidhur me grupe ekstremiste të së djathtës së skajshme.

Pas shqyrtimit të rastit, Komiteti i Pavarur Disiplinor i FIFA-s njoftoi se nuk ka gjetur prova që arbitri australian të ketë shkelur Kodin Disiplinor të organizatës. Në deklaratën zyrtare thuhet se hetimi nuk ka konstatuar elemente që do të justifikonin ndonjë sanksion.

“Komiteti i pavarur disiplinor i FIFA-s mund të konfirmojë se, pas shqyrtimit të çështjes që përfshinte ndihmësin e gjyqtarit mbështetës të videos Shaun Evans, nuk ka gjetur prova për shkelje të Kodit Disiplinor të FIFA-s”, thuhet në deklaratën e lëshuar nfa FIFA.

Edhe vetë Evans mohoi çdo qëllim të fshehtë pas veprimit të tij, duke sqaruar se lëvizja ishte “e pavullnetshme dhe nënndërgjegjeshme”. Ai theksoi se nuk ka bërë me vetëdije asnjë simbol për të përcjellë ndonjë mesazh, përkatësi apo bindje dhe shprehu keqardhje për mënyrën se si gjesti është interpretuar nga publiku.

Home Kryefaqja
Shiko në: YouTube
Lajme të Sugjeruara

Katër sfida të mëdha sot në Botërorin 2026, Franca dhe Argjentina zbresin në fushë

Kupa e Botës 2026 vazhdon sot me katër përballje të fazës së grupeve, ku në fushë zbresin disa prej emrave më të mëdhenj të futbollit...
08:31 | 16/06/2026

Australia triumfon ndaj Turqisë me dy gola në Vancouver dhe i bashkohet SHBA-së në krye të Grupit D

Australia shkakton befasinë e radhës në Botërorin 2026 teksa mposhti Turqinë në ndeshjen e Grupit D me rezultatin 2-0 duke marrë 3 pikët e para...
22:36 | 15/06/2026

Show suedez në Botëror: 5 gola ndaj Tunizisë, Diallo i jep fitoren Bregut të Fildishtë

Nata e Kupës së Botës solli spektaklin e ofruar nga Suedia e Graham Potter, që mposhti Tunizinë 5-1 në Monterrey. Në ndeshjen tjetër të natës,...
22:34 | 15/06/2026