Katër sfida të mëdha sot në Botërorin 2026, Franca dhe Argjentina zbresin në fushë

Kupa e Botës 2026 vazhdon sot me katër përballje të fazës së grupeve, ku në fushë zbresin disa prej emrave më të mëdhenj të futbollit botëror. Vëmendja kryesore do të jetë te debutimi i Francës, Argjentinës dhe Norvegjisë në turneun që po zhvillohet në Shtetet e Bashkuara, Kanada dhe Meksikë.

Në Grupin I, Franca do të përballet me Senegalin. Kampionët e botës të vitit 2018 synojnë ta nisin me fitore aventurën e tyre në Botëror, ndërsa Senegali kërkon të dëshmojë edhe një herë forcën e futbollit afrikan në arenën ndërkombëtare.

Po në të njëjtin grup, Norvegjia do të sfidojë Irakun, me interes të veçantë për paraqitjen e yllit Erling Haaland. Sulmuesi norvegjez pritet të jetë arma kryesore e ekipit të tij në debutimin në këtë edicion të Kupës së Botës.

Në Grupin J, kampionia në fuqi Argjentina do të nisë mbrojtjen e titullit ndaj Algjerisë. Të gjitha sytë do të jenë te Lionel Messi, i cili në moshën 38-vjeçare mund të jetë duke marrë pjesë në turneun e tij të fundit madhor me kombëtaren argjentinase.

Ndërkohë, në ndeshjen tjetër të grupit, Austria do të përballet me Jordaninë, e cila po shkruan histori me pjesëmarrjen e saj të parë në një Kampionat Botëror.

Sipas programit, ndeshja Francë–Senegal luhet në orën 21:00, Irak–Norvegji në orën 00:00, Argjentinë–Algjeri në orën 03:00, ndërsa Austri–Jordani në orën 06:00.