Dita e 17-të e marshimit, qytetarët mblidhen para Kryeministrisë. Protesta nga nesër në orën 19:00

Qytetarë dhe aktivistë janë bashkuar edhe këtë të martë në ditën e 17-të të protestës kundër ndërtimit në Zvërnec. Protestuesit mbajnë në duar flamuj të Shqipërisë dhe pankarta.

Qytetarët kanë shprehur idetë e tyrë në pankarta teksa kanë krijuar edhe imazhe të veçanta me inteligjencë artificiale.

“Endrrat e vrara në Shqipëri”, “Rama në burg, Berisha në burg”, ishin disa pankarta që pikasin në protestë.

Prej 2 orësh e gjysmë qytetarët po vijojnë protestën e tyre para Kryeministrisë ndërsa pritet të zgjasë deri në mesnatë ashtu siç ka ndodhur edhe në ditët e mëparshme.

Ka nisur marshimi i qytetarëve nga sheshi “Skëndërbej” drej Kryeministrisë ku pritet që në orët në vijim protestuesit të vazhdojnë protestën e tyre e cila regjistron ditën e 17-të.

Grumbullimi i qytetarëve nisi në orën 18:00 dhe pas pak minutash ata u nisën drejt Kryeministrisë. Ata shihen me pankarta dhe flamuj në duar teksa vijonë thirrjet për dorëheqjen e kryeministrit Edi Rama.

Ajo që vihet re ashtu si edhe në protestat e mëparshme shumë prindër shihen me karroca me fëmijët e tyre të mitur. Ata pavarësisht se me fëmijë të mitur janë bashkuar në protestë e cila edhe në ditët e mëparshme ka qenë paqësore.

Protesta qytetare kundër qeverisë vijoi në ditën e saj të 17-të edhe këtë të martë në qytetin e Korçës. Një numër i ulët qytetarësh kanë dalë me pankarta dhe të veshur me simbole kombëtare.

Të pranishëm në këtë protestë janë edhe turistë të huaj nga Holanda, të cilët bëjnë thirrje që të rinjtë duhet të rrinë në Shqipëri.

Ndërkohë, siç është bërë traditë, qytetarët vijojnë fjalimet e tyre në foltoren e tyre, ku shpalosin kërkesat e tyre.

Ndërkohë, protesta po mbahet edhe në qytete të tjera të Shqipërisë, ku më e madhja po zhvillohet në Tiranë, e cila ka vijuar edhe me marshim drejt Kryeministrisë.

Qytetarë të shumtë të shoqëruar nga familjarët dhe fëmijë të mitur janë mbledhur edhe këtë të martë në sheshin “Skëndërbej” ku më pas marshuan drejt Kryeministrisë për të zhvilluar protestën e 17-të kundër ndërtimit në Zvërnec.

Ashtu siç ishte njoftuar grumbullimi i qytetarëve ka nisur në orën 18:00. Ata shihen me pankarta dhe flamuj në duar teksa kanë bërë thirrje qytetarëve të bashkohen në protestë. Ata kanë bërë thirrje edhe për administratën që t’iu bashkohen në këtë marshim që vijon prej 17 ditësh.

Gjithashtu është njoftuar se nga e mërkura e 17 qershorit, protesta do të nisë në orën 19:00. Shtyrja me një orë e nisjes së protestës vjen për shkak të temperaturave të larta.