Tensione para Bashkisë së Durrësit, banorët e Nishtullës në protestë për mungesën e bonusit të strehimit
Një situatë e tensionuar u regjistrua mëngjesin e së hënës para Bashkisë së Durrësit, ku disa përfaqësuese të familjeve të komunitetit rom në Nishtullë protestuan për moskalimin e bonusit të strehimit, të cilin, sipas tyre, nuk e kanë përfituar prej 9 muajsh.
Pas tensioneve të krijuara para godinës së bashkisë, një përfaqësi e banorëve u prit nga autoritetet përgjegjëse për të diskutuar shqetësimet e tyre. Sipas banorëve, vonesat në pagesën e bonusit dhe premtimet e pambajtura për afatet e kalimit të fondeve i kanë vënë në vështirësi serioze përballë qiradhënësve, duke rrezikuar të mbeten pa strehim.
Lista me rreth 90 përfitues pritet të marrë firmën e kryetares së Bashkisë së Durrësit, çka do t’i hapë rrugë kalimit të fondeve në llogaritë e banorëve. Sipas përfaqësuesit të shoqatës “Ushten”, Ismail Jakupi, dy kanë qenë arsyet kryesore të vonesave: verifikimi i dokumentacionit dhe mosdisbursimi i fondeve nga Ministria e Financave.
Në listën e përfituesve të bonusit të strehimit, që mbulon 50% të qirasë nga bashkia, përfshihen rreth 250 persona nga komunitetet rom dhe egjiptian. Në total, lista e përfituesve përmban 412 persona. Sipas Bashkisë së Durrësit, në ditët në vijim do të kryhen pagesat edhe për familjet e tjera përfituese.
Reagon kompania ”Riviera Kakome”: Shembja e gardhit dhe shkatërrimi i objekteve, akt dhune ndaj pronës private
Humb jetën punëtori 26-vjeçar në Prizren, u godit nga vinçi
Ndahet nga jeta në moshën 100-vjeçare arkitekti i ekonomisë moderne amerikane, Alan Greenspan
- 15:47 A do ndikojë dorëheqja e Starmer? Britanikët: Kjo nuk e ndryshon drejtimin e politikës së Mbretërisë së Bashkuar
- 15:41 Papa Leo: Po ushqehen më shumë konfliktet sesa njerëzit
- 15:40 Reagon kompania ”Riviera Kakome”: Shembja e gardhit dhe shkatërrimi i objekteve, akt dhune ndaj pronës private
- 15:35 Jet Bank prezanton zyrtarisht operimin në Shqipëri si banka e parë 100% digjitale
- 15:29 BE dënon thirrjet e Ministrit izraelit, deklaroi se i gjithë Libani duhet djegur
- 15:24 Humb jetën punëtori 26-vjeçar në Prizren, u godit nga vinçi