Komediani i famshëm turk arrestohet për fyerje të Islamit, u prangos në aeroportin e Stambollit

Një komedian i famshëm turk u arrestua në aeroportin e Stambollit pasi akuzohet për fyerje të Islamit.

Arrestimi i 32-vjeçarit Deniz Goktas vjen në mes të një vale represioni që synon këdo që shihet si kritik ndaj qeverisë islamisto-konservatore dhe vlerave të saj. Një numër gjithnjë e në rritje hetimesh gjyqësore po synojnë muzikantë, artistë, gazetarë dhe politikanë të opozitës.

“Deniz Goktas u arrestua në aeroportin e Stambollit më 2 korrik”, tha zyra e prokurorit të Stambollit në një deklaratë, duke shtuar se kishte marrë “185 ankesa” në lidhje me performancat e komedianit dhe kishte nisur një hetim për “fyerje publike të vlerave fetare të Turqisë”.

Në shfaqje, komediani hedh një vështrim satirik mbi zhvillimet politike të vendit, me referenca ndaj Presidentit Rexhep Tajip Erdogan dhe kundërshtarit të tij kryesor, kryetarit të burgosur të Stambollit, Ekrem Imamoglu, arrestimi i të cilit në mars të vitit 2025 shkaktoi protesta masive.

Prokurorët kanë nisur një hetim, duke pretenduar se videoja përmban “gjuhë fyese që përbën vepër penale”.

Goktas u arrestua ndërsa zbriste nga avioni. Komediani i lindur në Ankara e filloi karrierën e tij si stand-up në një klub të Stambollit në vitin 2019. Që atëherë, ai ka performuar në të gjithë Evropën dhe SHBA-në.