Zyrtare, Allegri emërohet trajner i Napolit

Massimiliano Allegri është zyrtarisht trajneri i ri i Napolit, pasi klubi italian konfirmoi emërimin e teknikut 58-vjeçar me një kontratë që do ta mbajë në krye të ekipit deri më 30 qershor 2029. Emërimi vjen pasi Allegri arriti marrëveshje me Milanin për ndërprerjen me mirëkuptim të kontratës, më shumë se një muaj pas shkarkimit të tij.

Allegri rikthehet menjëherë në pankinë pas një sezoni të vështirë me Milanin, ku skuadra përfundoi në vendin e pestë të Serie A dhe mbeti jashtë Ligës së Kampionëve. Dështimi i sezonit solli ndryshime të mëdha në klubin kuqezi, ndërsa trajneri italian u largua para se të arrinte marrëveshjen përfundimtare për ndërprerjen e kontratës.

Te Napoli, Allegri zëvendëson Antonio Conten, i cili u largua nga posti në fund të sezonit. Trajneri italian, një nga më të suksesshmit në futbollin italian me tituj të fituar si me Milanin ashtu edhe me Juventusin, do të ketë detyrën ta rikthejë Napolin në garën për trofetë vendas dhe në skenën evropiane.