Javën e ardhshme rihapen aplikimet për hapësirat në plazh

Ministri i Turizmit dhe Mjedisit, Blendi Klosi ka deklaruar se do të rihapen aplikimet për hapësirat e pashfrytëzuara në plazhe, për të gjitha subjektet që janë të interesuara.

Ndërkohë, burime pranë kësaj ministrie bënë të ditur për Euronews Albania se ky proces do të nisë javën që vjen.

Teksa zhvilloi një bisedë operatorët, hotelierët dhe aplikuesit për stacione plazhi, ministri theksoi se brenda 3-4 ditësh do të mbyllet problematika e stacioneve të plazhit.

“Do të ketë një përfaqësi nga bashkia me personat e autorizuar për realizimin e këtij procesi, po ashtu nga Agjencia Kombëtare e Bregdetit dhe Inspektoriati Shtetëror i Turizmit si dhe prefektura për të koordinuar problematikat, të cilat do t’i japin një zgjidhje të shpejtë të gjithë atyre që do të pajisen me leje për shfrytëzimin e plazhit”, tha z. Klosi.

“Kemi të realizuar në këtë proces në shkallë të madhe. Kemi një situatë jo të keqe në Bashkinë e Durrësit, megjithatë thashë ka nevojë që të jemi në terren për të përcaktuar problematikat përfundimtare. Është shumë e nevojshme të jemi në terren”, shtoi ministri Klosi, ku theksoi se zë Durrës ka më shumë se 200 parcela, për të cilat nuk është bërë aplikim nga subjektet e interesuara.

Ai pohoi se 160 parcela janë publike, pra pa pagesë dhe do të menaxhohen nga Bashkia e Durrrësit.

LEXONI GJITHASHTU:

• Si nisi konflikti në Velipojë që la pas katër viktima dhe dy të plagosur
• Katër armë zjarri janë përdorur në vrasjen e katërfishtë në Velipojë
• “Mos i ndodhtë askujt”, babai i vëllezërve të vrarë në Velipojë tregon se sherri nisi për shezlongët