Erdogan u dhuron liderëve të NATO-s pistoleta të personalizuara

Një dhuratë e pazakontë e presidentit turk, Recep Tayyip Erdogan, për liderët pjesëmarrës në samitin e NATO-s në Ankara ka tërhequr vëmendjen e mediave ndërkombëtare. Sipas raportimeve, secili prej krerëve të shteteve dhe qeverive mori një pistoletë me emrin e tij të gdhendur, të shoqëruar me një kuti fishekësh të vërtetë.

Zbulimi u bë nga kryeministri britanik, Keir Starmer, i cili tha se nuk mundi ta merrte armën me vete në Mbretërinë e Bashkuar, pasi importimi i saj bie ndesh me ligjet britanike. Sipas tij, pistoleta do të mbetet në Ankara dhe pritet të çaktivizohet, megjithëse Erdogan kishte siguruar një letër personale që lejonte eksportimin e saj nga Turqia.

Përveç pistoletës, pjesëmarrësit morën edhe dhurata më tradicionale, përfshirë librin “Politika e guximit: Erdogan dhe ngritja e Turqisë”, si dhe një bllok shënimesh dhe një stilolaps të personalizuar me emrin e secilit lider.