Kievi dhe Ukraina do të prodhojë Patriot me licencë amerikane, Zelensky njofton marrëveshjen

Kievi dhe Uashingtoni kanë arritur një marrëveshje mbi licencën e prodhimit për sistemet e mbrojtjes ajrore Patriot të SHBA-së, tha të martën Presidenti ukrainas Volodymyr Zelensky duke shtuar se detajet teknike mbeten për t’u përpunuar.

“Është shumë e rëndësishme që ekipet tona teknike (…) të fillojnë të punojnë për këtë në mënyrë që të marrim licencat sa më shpejt të jetë e mundur dhe të fillojmë prodhimin e tyre në Ukrainë”, u tha Zelensky gazetarëve.

Zelensky tha gjithashtu se në ditët në vijim Ukraina do të marrë raketa PAC-3 nga Shtetet e Bashkuara. “Ishte një samit produktiv për Ukrainën. Në ditët në vijim, ne do të marrim një paketë (ndihme ushtarake) nga Shtetet e Bashkuara. Unë gjithashtu pata marrëveshje të veçanta me evropianët. Nuk ka ende data, por ne do të marrim PAC-3 shtesë”, tha presidenti ukrainas.

“Ne do t’ju japim leje për të ndërtuar Patriot”, e kishte siguruar Presidenti i SHBA-së Donald Trump homologun e tij ukrainas të mërkurën gjatë një takimi në margjinat e samitit të NATO-s në Ankara.