Dy anije përmbysen në brigjet e Mianmarit, humbin jetën mbi 500 persona

Më shumë se 500 persona, shumica e të cilëve i përkasin komunitetit të persekutuar Rohingya, dyshohet se kanë vdekur pasi dy anije që i transportonin ata u përmbysën në brigjet e Mianmarit ditët e fundit, thanë të enjten dy agjenci të OKB-së.

Një deklaratë e përbashkët nga Agjencia e OKB-së për Refugjatët dhe Organizata Ndërkombëtare për Migracionin (IOM) tha se dy anijet u nisën nga shteti Rakhine i Myanmarit në fund të qershorit.

Një varkë, që mbante rreth 250 persona, humbi kontaktin menjëherë pas nisjes dhe se varka e dytë, që thuhet se mbante rreth 280 persona, është fundosur në brigjet e Ayeyarwady të Myanmarit më 8 korrik.

“Shumica ishin pasagjerë Rohingya që rrezikonin udhëtime të rrezikshme detare në kërkim të sigurisë”, tha Agjencia e OKB-së për Refugjatët në kompaninë amerikane të mediave sociale X.

Të persekutuar në vendlindje nga junta birmaneze dhe grupe të tjera etnike, anëtarët e komunitetit Rohingya kanë ikur nga Mianmari drejt vendeve të sigurta në Bangladesh, Indonezi, si dhe në Mianmar.