Mbi 900 viktima nga Ebola në Kongo
Numri i viktimave nga shpërthimi i virusit Ebola në Republikën Demokratike të Kongos ka kaluar shifrën 900, sipas të dhënave më të fundit të publikuara nga autoritetet shëndetësore të vendit.
Ministria e Shëndetësisë njoftoi se janë konfirmuar 2.344 raste me Ebola, ndërsa 930 persona kanë humbur jetën si pasojë e virusit. Aktualisht, 724 pacientë ndodhen në izolim ose janë duke u trajtuar në spital, ndërsa 466 të tjerë janë shëruar.
Sipas ministrisë, shkalla e vdekshmërisë ka arritur në 39.7 për qind, ndërsa gjurmimi i kontakteve të rasteve të konfirmuara është realizuar në 85.8 për qind.
Shpërthimi, i shpallur më 15 maj, ka prekur pesë provinca: Haut-Uele, Ituri, Kivu Verior, Kivu Jugor dhe Tshopo. Provinca Ituri mbetet epiqendra e epidemisë së shkaktuar nga varianti Bundibugyo i virusit Ebola, ku transmetimi në komunitet vazhdon.
Qendrat Afrikane për Kontrollin dhe Parandalimin e Sëmundjeve (Africa CDC) bënë të ditur se ekipet në terren, autoritetet shëndetësore dhe partnerët ndërkombëtarë po vazhdojnë bashkëpunimin për të vënë nën kontroll shpërthimin.
Kryefaqja
Rritja e numrit të të rinjve të plagosur, Irlanda masa të ashpra kundër skuterëve elektrikë
SHBA godet një objektiv në perëndim të Iranit
Plagosen 3 persona pas sulmit në një anije në Detin e Zi
- 14:00 Shahu bashkon tre qytetet e Liqenit të Ohrit në një kampionat ndërkufitar
- 13:57 Mbi 1 milion makina në Shqipëri, rritje 9% në vitin 2025, shtohen makinat elektrike
- 13:53 Mbi 22 mijë të huaj punojnë në Shqipëri, kryesojnë filipinasit dhe indianët
- 13:38 Rritja e numrit të të rinjve të plagosur, Irlanda masa të ashpra kundër skuterëve elektrikë
- 13:28 SHBA godet një objektiv në perëndim të Iranit
- 13:17 Plagosen 3 persona pas sulmit në një anije në Detin e Zi