Irani dënon sulmet e Ukrainës në Detin Kaspik

Irani ka dënuar sulmin e Ukrainës ndaj një anijeje iraniane në Detin Kaspik, rruga për pjesën më të madhe të tregtisë së vendit me Rusinë.

Tre anëtarë të ekuipazhit u plagosën dhe një detar vdiq në bordin e anijes, sipas guvernatorit rajonal Hadi Hagh-Shenas të dielën.

Anija mbante një ngarkesë hekuri dhe po lundronte nga Astrakhan për në Anzali, një korridor i sigurt dhe i besueshëm për shkëmbime tregtare midis dy porteve.

Ukraina nisi sulme me dronë me rreze të gjatë veprimi ndaj anijeve në Detin Kaspik të shtunën.

“Sulmet ishin një shenjë e vazhdimit të qasjes irracionale dhe armiqësore të regjimit ukrainas ndaj Iranit,” tha Ministria e Punëve të Jashtme e vendit.

“Përgjegjësia për pasojat që rrjedhin nga aventurizmi i kreut të regjimit ukrainas do të mbetet e atij regjimi dhe mbështetësve e nxitësve të tij”, tha ministria.

I Ngarkuari me Punë i Ukrainës u thirr në Ministrinë e Jashtme pas sulmit.