Merz do të propozojë Steffen Bilger si ministër të ri të transportit

Kancelari gjerman Friedrich Merz do të propozojë që drejtori konservator parlamentar Steffen Bilger të zëvendësojë Patrick Schnieder si ministër i transportit, si pjesë e një riorganizimi të vazhdueshëm të kabinetit. Kështu tha një zëdhënës i qeverisë në një deklaratë të dielën.

Dy persona të njohur me çështjen thanë të premten se Merz ishte gati të zëvendësonte kolegun e tij konservator Schnieder, ndërsa ai kërkon të shtojë vrull në qeverinë e tij të koalicionit jopopullor.

Schnieder tha të dielën se do t’i kërkonte Merz ta shkarkonte atë pasi “situata aktuale e padenjë” po e bënte punën të pamundur. Merz njoftoi  të premten se Nina Warken do të marrë detyrën si drejtuese e kancelarisë së tij, pas lëvizjes së Torsten Frei për të drejtuar grupin parlamentar CDU/CSU.

Merz shtoi se pozicionin e Ministrit të Shëndetësisë do ta marrë Carsten Linnemann. Më parë, gazeta Bild kishte raportuar se kancelari gjerman ishte gati të shkarkonte Ministrin e Transportit Patrick Schneider për shkak të pakënaqësisë në rritje me gjendjen e rrjetit hekurudhor të vendit dhe infrastrukturës në shkatërrim e sipër.