EKSKLUZIVE/ Situata e COVID-19, ministrja Gjonaj kërkesë për dënime alternative dhe amnisti për të moshuarit me sëmundje kronike në burgje

14 Mars 2020 | 18:06

Burime ekskluzive dhe të mirëbesuara të Euronews Albania bëjnë me dije se gjatë ditës së sotme, ministrja e Drejtësisë, Etilda Gjonaj, nisur nga situata e krijuar në vend për shkak të pandemisë COVID-19, i ka drejtuar një letër-kërkesë tri institucioneve të drejtësisë për të marrë masa që politika penale të orientohet në dhënien e dënimeve alternative që mund të aplikojnë për disa kategori të burgosurish dhe çështje në gjykim.

Burimet e Euronews Albania saktësojnë se letra i është dorëzuar Prokurorisë së Përgjithshme, Këshillit të Lartë të Prokurorisë dhe Këshillit të Lartë të Gjyqësorit dhe përmes saj kërkohet së pari të konsiderohet dhënia e ndëshkimeve alternative nga prokurorët për masat e propozuara, si dhe së dyti, të udhëzohen gjyqtarët të japin dënime alternative në rastet kur është e mundur.

Një masë tjetër e lidhur me situatën e krijuar me COVID-19 dhe të prekurit në rritje në Shqipëri, është ngritja e një grupi pune pranë Ministrisë së Drejtësisë për të shqyrtuar mundësinë e një amnistie për të dënuarit e moshuar mbi 60 vjeç dhe që kanë sëmundje kronike, të cilët vuajnë dënime të lehta.

Gjithashtu, mësohet se bëhet fjalë për një amnisti që nuk do të prekë çështjet në hetim, por vetëm të dënuarit e moshuar më sëmundje kronike dhe ata që janë dënuar për çështje të lehta, ku nuk përfshihen kategoritë e dënimeve për krime të rënda.

Instituti i Shëndetit Publik bëri të ditur sot, se deri në këto momente janë testuar 505 raste të dyshuara dhe prej tyre janë të konfirmuar pozitivë me COVID-19, 38 raste në total.

Home Kryefaqja
Shiko në: YouTube
Lajme të Sugjeruara

Vrasja e policit në Maliq, Hita: Nuk kam pasur dijeni për operacionin, do kishim marrë masa më të forta

Drejtori i Përgjithshëm i Policisë së Shtetit, Skënder Hita në një deklaratë për mediat nga Korça ka folur lidhur me ngjarjen e rëndë ku humbi...
16:22 | 04/06/2026

I biri vrau një polic dhe plagosi një tjetër, merret në pyetje nga autoritetet nëna e Violand Braçellarit

Nëna e autorit të vrasjes së policit Enea Mekolli dhe plagosjes së policit Edison Adri është shoqëruar nga forcat e policisë në ambjentet e drejtorisë...
15:39 | 04/06/2026

“Braçellari, emër shumë i njohur në Korçë”, Artan Hoxha: Dhjetëra operacione për ta arrestuar

Pas ngjarjes së rëndë të ndodhur këtë të enjte në Maliq të Korçës, ku një punonjës policie u vra dhe një tjetër u plagos gjatë...
15:32 | 04/06/2026