Italia bëhet finalistja e parë e Euro 2020, eliminojnë Spanjën me penallti

Italia është bërë finalistja e parë e Euro 2020 duke eliminuar Spanjën në gjysmëfinaleve me penallti.

Edhe pse Locatelli gaboi i pari nga pika e bardhë e 11-metërshit, Olmo dhe Morata gabuan nga spanjollët duke i dhënë fitoren Italisë.

Për të kaltrit kjo është ndeshja e 33-të pa humbje dhe një statistikë e tillë e bën ekipin e drejtuar nga Roberto Mancini të jashtëzakonshme.

Gjatë kohës së rregullt ndeshja u mbyll me rezultatin 1-1, ku për italianët shënoi Chiesa në minutën e 60’, kurse për spanjollët barazoi Morata 20 minuta më pas.

Në kohën shtesë të dy ekipet u treguan shumë të kujdesshme duke bërë që në përfundim të 120 minuta lojë rezultati të ishte barazim.

Tashmë do të pritet ndeshja mes Anglisë dhe Danimarkës për të përcaktuar finalisten e dytë të Euro 2020.

Finalja e madhe që do të përcaktojë fituesen e Kampionatit Evropian të futbollit do të luhet më 11 korrik në Uembli.

LEXONI GJITHASHTU:

Argjentina e Mesit kalon në finalen e Kupës së Amerikës