Gazetari e cilëson si thelbësore garantimin e votës për emigrantët

Partia Socialiste përmes kryetarit të grupit parlamentar, Taulant Balla tha se në shtator do ndryshojë sërish kodi elektoral dhe Kushtetuta.

Gazetari Mentor Kikia thotë se partitë politike duhet të miratojnë një ligj zgjedhor të qëndrueshëm, i cili të karakterizohet me “frymë mirëkuptimi” dhe jo siç ka ndodhur deri tani që palët kanë akuzuar njëra-tjetrën për mungesë konsensusi.

Sipas tij, Partia Socialiste në legjislaturën e re, që fillon në muajin shtator do duhet të bashkëpunojë ngushtësisht me opozitën e re parlamentare për të votuar një reformë të qëndrueshme.

Ai theksoi se me reformën e re do duhet që emigrantëve t’u garantohet e drejta për të votuar, si në zgjedhje lokale ashtu dhe në ato të përgjithshme.

Gazetari Kikia nënvizoi se vota e emigrantëve është sinjal kryesor ndryshimi, pasi sipas tij ata zgjedhin në mënyrë të ftohtë dhe nuk shantazhohen nga subjektet politike.

LEXONI GJITHASHTU:

• Mazhoranca paralajmëron reformë zgjedhore në shtator
• Parlamenti shkarkon presidentin, Meta: Shfaqje për të hequr vëmendjen nga hetimi i krimeve zgjedhore