​Ilir Meta përshëndet rezolutën e nxjerrë nga Kuvendi i Kosovës për Srebrenicën

Presidenti Ilir Meta ka përshëndetur miratimin e Rezolutës nga Kuvendi i Kosovës, për dënimin e gjenocidit në Srebrenicë.

Përmes një statusi në Facebook z. Meta ka thënë se duke e përkrahur këtë Rezolutë, i bashkohet pikëllimit të thellë për viktimat e pafajshme, nderimit të kujtimit të tyre dhe dënimit të çdo përpjekje për mohimin e këtij gjenocidi.

“Vetëm duke forcuar bashkëpunimin rajonal dhe bashkëjetesën etnike e fetare do të konsolidojmë paqen, stabilitetin dhe sigurinë në rajon dhe do të ecim përpara drejt së ardhmes të përbashkët në Bashkimin Evropian”, ka shkruar ndër të tjera Ilir Meta.

Albin Kurti deklaroi sot në Kuvendin e Kosovës se gjenocidi në Srebrenicë është masakra më e madhe në Evropë pas Luftës së Dytë Botërore dhe shtoi se qeveria që drejton po përgatit padinë për gjenocid kundër Serbisë.

LEXONI GJITHASHTU:

• Kuvendi i Kosovës miraton rezolutën për gjenocidin serb në Srebrenicë