Ambasadorja e SHBA përshëndet firmosjen e kontratës për ndërtimin e hidrocentralit të Skavicës

Ambasadorja e SHBA në Tiranë, Yuri Kim e ka cilësuar hap të rëndësishëm firmosjen e kontratës mes qeverisë shqiptare dhe korporatës amerikane Betchel për ndërtimin e hidrocentralit të Skavicës.

Kryediplomatja thotë se Skavica shënon një përparim të ri në bërjen e biznesit mes Shqipërisë dhe SHBA, dhe ky hap shton ajo do të rrisë më tej furnizimin me energji për ekonominë e vendit dhe do ta bëjë Shqipërinë një vend eksportues në rajon.

The Skavica hydropower plant deal is significant for many reasons: it marks a new high in 🇺🇸 🇦🇱 business; will increase energy supply for 🇦🇱’s growing economy; & positions 🇦🇱 to be a net exporter of energy supply, diversification & security in the region. https://t.co/EQ06JhXZqd

— Ambassador Yuri Kim (@USAmbAlbania) July 7, 2021

Kontrata me kompaninë amerikane është parashikuar të ndahet në dy faza. Në fazën e parë do të përfshihen propozimi i kompanisë së bashku me mbështetjen financiare që do jetë nga vetë kompania, do të zhvillohen studime gjeologjike, do të përgatitet projekti teknik, do vlerësohet ndikimi mjedisor dhe më pas do të përpilohet një ide përfundimtare dhe zgjat 18 muaj. Ndërsa faza e dytë konsiston në projektimin dhe ndërtimin e hidrocentralit të Skavicës.

Krahas kontributit në rritjen e ekonomisë kombëtare, hidrocentrali i Skavicës pritet të eliminojë gjithashtu problemin shumëvjeçar të përmbytjeve në Shkodër e Lezhë dhe bërjen më efikase të kaskadës së Drinit.

LEXONI GJITHASHTU:

• Rama rikthen hidrocentralin e Skavicës: Do ta ndërtojmë me forcat tona
• Mbi 100 milionë euro investim, parku fotovoltaik i Karavastasë do të ndërtohet nga një kompani franceze
• Veprat në infrastrukturë, Belinda Balluku: Hidrocentrali i Skavicës kushton 500 mln euro