Maska të stolisura për ta luftuar coronavirusin me klas

Një stiliste në Jordani, Samia Alzakleh, ka krijuar maska të stolisura për ata që duan t’i bëjnë ballë coronavirusit me klas.

Stilistja ua ka dhënë maskat influencuesve të Instagramit dhe personave të famshëm, të cilët kanë bërë foto në rrjete shoqërore.

Për të ndërtuar një maskë të vetme, stilistja ka përdorur me qindra kristale.

Secilës maskë, secilës vepër arti, ajo i ka kushtuar rreth tri orë punë për ta përfunduar.

Alzakeh thotë se maskat kanë tërhequr edhe kritika, pasi shumë njerëz e qortojnë se po përpiqet të përfitojë nga një sëmundje.

Por ajo shton se synimi i vetëm është ai artistik, pa u përqendruar te sëmundja.