Autobusi del nga rruga në Gramsh, një i vdekur dhe nëntë të plagosur

Një autobus pasagjerësh ka dalë nga rruga në Gramsh dhe për pasojë një 30-vjeçar ka humbur jetën dhe nëntë të tjerë kanë mbetur të plagosur.

Gazetari i Euronews Albania, Merin Maçi raporton se ngjarja ka ndodhur në aksin rrugor Gramsh-Kërpicë.

Të plagosurit janë dërguar në spital, ndërsa policia bën me dije se janë jashtë rrezikut për jetën.

Numri i aksidenteve rrugore në vendin tonë mbetet shqetësues ndërsa gjatë pesë mujorit të parë të këtij viti janë regjistruar 547 aksidente, me pasojë 90 të vdekur.

Bazuar në të dhënat e INSTAT, aksidentet në pjesën më të madhe të tyre kanë ndodhur si pasojë e sjelljes së drejtuesit të mjetit, ndërsa numri më i lartë i tyre është kryer nga grup-mosha 25-34 vjeç.

LEXONI GJITHASHTU:

• Dervishaj: Aksidentet po marrin 4 herë më shumë jetë se ngjarjet kriminale
• Aksident i rëndë në aksin Fier-Vlorë, humbin jetën 4 persona të së njëjtës familje
• Aksidenti me katër të vdekur në një familje, arrestohet i riu me “Audi”