PD akuza për mbetjet në Kavajë, Andi Lila: SPAK të veprojë, po luhet me shëndetin e qytetarëve

Partia Demokratika ka kërkuar sot nga instituconet e drejtësisë nisjen e hetimeve për problemin e mbetjeve në Durrës dhe në Kavajë.

Përfaqësuesi i PD, Andi Lila deklaroi nga Kavaja se kriza e plehrave në këtë qytet është një skenar për të prodhuar krizë në mes të sezonit turistik. Sipas tij, plehrat po lihen qëllimisht rrugëve për të detyruar më pas njësitë vendore që të pranojnë çmimet e larta nga kompanitë e menaxhimit të mbetjeve.

“Fatkeqësisht ajo që qytetarët e Kavajës dhe Durrësit po përjetojnë është një skenë kriminale që po ndërtohet duke dëmtuar shëndetin e qytetarëve me qëllim pasurimin e klientëve të Edi Ramës,” – tha ai.

Përfaqësuesi i PD-së në Kavajë tha se kjo është një lojë e mafies së inceneratorëve që rëndon mbi shëndetin e qytetarëve.

“Për të çuar para te mafiat e inceneratorëve plehrat po lihen me qëllim jashtë kontrollit për të nxitur një krizë dhe pastaj për të ofruar një zgjidhje nga ata që e prodhuan këtë krizë,” – përfundoi Lila.

LEXONI GJITHASHTU: 

• Gazetari i BIRN thotë se Bashkisë Durrës po i bëhet presion për çështjen e mbetjeve
• Kikia: Durrësi nuk ka një vend të lirë për të depozituar plehrat, ka dakordësi për landfillin e Sharrës
• Eksperti mjedisor: Mbetjet në Durrës rrezik infeksioni për qytetarët
• Gazetari investigativ: Qeveria ka detyruar Bashkinë Durrës t’i sjellë mbetjet në Sharrë