Fluks në Qafë-Thanë, qytetarët e Maqedonisë së Veriut zgjedhin bregdetin shqiptar për pushime

Sezoni veror ka rritur numrin e personave që hyjnë në Shqipëri.

Gjatë 24 orëve të fundit, në pikën e kalimit kufitar të Qafë Thanës kanë kaluar më shumë se 8000 shtetas të huaj dhe shqiptarë dhe si pasojë janë krijuar radhë të gjata.

Sipas të dhënave zyrtare, nga Shqipëria drejt Maqedonisë së Veriut në 24 orët e fundit kanë dalë 3770 shtetas.

Sa i përket punëtorëve sezonalë, kalimi i tyre ka vijuar normalisht, me përjashtim të 10 personave që janë ndaluar nga pala maqedonase. Arsyeja e ndalimit lidhet me çështjen e dokumenteve për punësim.

Veç pikës së kalimit kufitar të Qafë-Thanës, funksionojnë edhe dy pikat e tjera kufitare me Maqedoninë e Veriut, Tushemishti e Gorica, në të cilat kalojnë një numër më i vogël udhëtarësh.

LEXONI GJITHASHTU:

• Pika kufitare e Kapshticës do të funksionojë 24 orë pa limit udhëtarësh
• Pikat kufitare të Kakavijës dhe Kapshticës do të jenë të hapura 24 orë