Arben Ristani: Ndryshimet e propozuara për statutin e PD nuk sjellin asgjë të re

Kryetari i Partisë Demokratike, Lulzim Basha ka propozuar ndryshimin e statutit të partisë që ai drejton. Pjesë e propozimit është zgjerimi i kryesisë, ku kryetari i Këshillit Kombëtar, i bordit financiar, i komisionit zgjedhor dhe apelimit të caktohen automatikisht anëtarë kryesie.

Anëtari i Këshillit Kombëtar në PD, Arben Ristani propozimit e bëra nga z. Basha i quan jo thelbësore pasi sipas tij nuk sjellin asgjë të re në fuqizimin e partisë.

“Nuk janë thelbësore, janë kozmetikë dhe janë redaktim i statutit aktual. Nuk prekin thelbin, nuk sjellin asgjë të re”, tha ai.

Ai theksoi se Partia Demokratike ka nevojë për ndryshime të thella në raport me partinë në pushtet dhe kjo gjë shton z. Ristani duhet të reflektohet sa më parë.

“PD ka nevojë për freski, ka nevojë për një ndryshim të thellë dhe të prekshëm nga çdokush në raport me PS apo më saktë me regjimin në pushtet, në rast se nuk bëhet kjo diferencë që njerëzit ta prekin, do ta ketë të vështirë që edhe pas 12 vitesh opozitë të kthehet në pushtet”, tha ai.

Propozimet e listuara nga kryedemokrati Basha priten të diskutohen në mbledhjen e kryesisë më 15 korrik dhe më pas do të miratohen në Kuvendin Kombëtar më 17 korrik.

LEXONI GJITHASHTU:

• PD akuza për mbetjet në Kavajë, Andi Lila: SPAK të veprojë, po luhet me shëndetin e qytetarëve
• Basha: Në kuvendin e ri, PD rezolutë për gjenocidin serb në Kosovë
• Basha propozon ndryshime të statutit të PD-së