Kina nis 2 milionë maska kirurgjikale dhe 50 mijë tamponë drejt BE në ndihmë kundër COVID-19

Përmes një statusi në Twitter, presidentja e Komisionit Ursula von der Leyen ka njoftuar se ka biseduar me kryeministrin kinez i cili i ka premtuar se Kina do të furnizojë Bashkimin Europian  me pajisje mjekësore.

Kryeministri Li Keqiang konfirmoi se Kina do i dërgojë BE-së “2 milionë maska kirurgjikale, 200 mijë maska N95 si dhe 50 mijë tamponë për të kryer testimet”.

Në mesazhin e saj, Von der Leyen shprehu mirënjohjen ndaj Kinës për mbështetjen në këto kohë të vështira dhe tha se “beteja ndaj COVID-19 është globale dhe duhet të mbështesim njëri tjetrin”.

Von der Leyen rikujtoi kur Bashkimi Europian  i erdhi në ndihmë Kinës “në janar, BE-ja ndihmoi Kinën duke i dhuruar 50 mijë ton pajisje. Sot, ne i jemi mirënjohës Kinës për mbështetjen e tyre”

Bashkimi Europian ka pasur mungesa në pajisje mjekësore teksa OBSH ka nxitur për më shumë testime në një kohë kur Europa është kthyer në epiqendrën e virusit.  

Spoke with ??PM Li Keqiang who announced that China will provide 2 mil surgical masks, 200,000 N95 masks & 50,000 testing kits. In January, the ??helped ??by donating 50 tonnes of equipment. Today, we’re grateful for China’s support. We need each other’s support in times of need. pic.twitter.com/2Vsw9p50Ej

— Ursula von der Leyen (@vonderleyen) March 18, 2020

Lexoni gjithashtu:

200 mijë të infektuar në të gjithë botën, kreu i ekipit kinez këshillon Europën

Kina dëbon gazetarët amerikanë nga New York Times, News Corp, Wall Street Journal dhe Washington Post

Përditësim i situatës botërore të krijuar nga COVID-19