“Masakra e 25 prillit, krim”, Basha: Beteja vijon në parlament

Në fjalën e tij në Kuvendin Kombëtar të Partisë Demokratike, Lulzim Basha tha se “masakra e 25 prillit” nuk mund të njihet dhe gjithë përgjegjësit për të do të vihen para drejtësisë.

Basha paralajmëroi se beteja e PD-së do të vijojë në parlament.

Ndërkaq, ai u shpreh se Rama është “aleati më i mirë i kriminelëve” dhe nuk mund t’u ofrojë shqiptarëve një politikë për ta, por mendon vetëm për vete.

Nisur nga kjo, Basha propozoi Platformën Qytetare për Demokracinë e cila synon të ofrojë bashkëpunim me të gjitha grupet shoqërore që kërkojnë ndryshim.

“Me forcën që na dhanë qytetarët në 25 prill, ne ftojmë shumicën e shqiptarëve që kërkojnë ndryshim rrënjësor në punët e vendit, dhe rezultate të prekshme për veten dhe fëmijët e tyre, që të ndërtojmë së bashku një Platformë Qytetare për Demokracinë,” – deklaroi kryedemokrati.

Sipas tij, ndërtimi i kësaj platforme do të ketë në themelet e saj “rikthimin e legjitimitetit dhe demokracisë në vend”.

Nga ky Kuvend pritet të zgjidhen anëtarët e Këshillit Kombëtar dhe të votohen ndryshimet në statutin e partisë.

LEXONI GJITHASHTU: 

• Nis punimet Kuvendi Kombëtar i PD, Basha: Shqipëria u plaçkit në kohën e COVID
• Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar
• Kadilli: Shpresoj që ndryshimet në statut të bëhen realitet në Kuvendin Kombëtar