Kryeministri Rama kritikon sërish kreun e Bashkisë Vlorë për mbetjet

Pas përplasjeve të fundit me kryebashkiakun Dritan Leli, kryeministri Rama ka mbledhur plehrat në një mjedis sportiv në Vlorë.

Me këtë veprim simbolik, z. Rama la të kuptohet se kryebashkiaku i Vlorës nuk po u shërben siç duhet qytetarëve.

“Ata që e mirëmbajnë këtë bëjnë mirë që të vijnë t’i pastrojnë para se të lindi dielli dhe njerëzit të kalojnë anash, shqiptarë dhe të huaj dhe të shikojnë këtë pamje që është një turp”, tha ai.

Shefi i qeverisë u shpreh se çdo komunitet, qytet apo bashki duhet të pastrojë mjedisin dhe të mos krijojnë imazhe të turpshme në sytë e turistëve.

“Vetëm tre minuta e ndajnë turpin nga jo nderi, por nga dinjiteti më i zakonshëm që duhet të ketë një qytet, një komunitet, por edhe një bashki. Në radhë të parë ata që vijnë të luajnë këtu, bëjnë mirë që t’i mbledhin dhe të mos i hedhin të paktën”, tha Rama.

LEXONI GJITHASHTU: 

• “Vendndodhja s’ka asnjëherë rëndësinë e përmbajtjes”, Leli i përgjigjet indirekt Ramës
• Dështon mbledhja e Këshillit Bashkiak, këshilltarët bojkot Dritan Lelit
• Rama kërkon përjashtimin e Dritan Lelit nga Partia Socialiste
• Vrasjet në Velipojë, Rama: Kam thirrur ministrin e Brendshëm për një ristrukturim të policisë