Numër rekord prej 430 refugjatësh kalojnë Kanalin e la Manshit në Angli brenda një dite

Autoritet britanike konfirmojnë se këtë të hënë, rreth 430 refugjatë kaluan Kanalin Anglez në mënyrë të paligjshme.

Sipas PA news, kjo shifër përfaqëson rekordin e ri të hyrjeve për një ditë.

“Ka një rritje të papranueshme të kalimeve me barka të vogla përtej kanalit për shkak të një vërshimi të emigrantëve të paligjshëm në të gjithë Evropën,” shprehen autoritetet kufitare britanike.

“Ju bëjmë thirrje këtyre refugjatëve që ata duhet të kërkojnë azil në shtetin e parë të sigurt në të cilin gjenden, dhe jo të rrezikojnë jetën duke ndërmarrë të tilla kalime të rrezikshme. Ndërkohë, ne vazhdojmë të ndjekim kriminalët mbrapa këtyre skemave ilegale,” shtuan ata.

Mbretëria e Bashkuar kërkon të çojë në parlament një projekt ligj për Kufijtë Kombëtar, i cili nëse mbështetet dhe hynë në fuqi, do ta quaj vepër të jashtëligjshme e të dënueshme me 4 vite, ardhjen në Britani të Madhe ilegalisht.

Në të njëjtën kohë, ky ligji parashikon që azil kërkuesit të dërgohen në njërin nga “shtetet e sigurta të botës së tretë” në mënyrë që ata ta bëjnë kërkesën nga atje.

Kanali Anglez apo Kanali i la Manshit është një ndër rrugët më të zëna të transportit me anije në të gjithë botën, ndaj edhe kjo përpjekje për të hyrë në Britaninë e Madhe ilegalisht thuhet të jetë tejet e rrezikshme.

Sidoqoftë, numri i atyre që e ndërmarrin këtë udhëtim me rrezik po vjen gjithnjë e më në rritje.

LEXONI GJITHASHTU

• Lampeduza, turistët shijojnë plazhet: Asnjë problem me refugjatët
• Si mund të bashkëpunojë Evropa me refugjatët për të dalë nga kriza e pandemisë
• E dërguara speciale e Kombeve të Bashkuara, Angelina Jolie viziton kampin e refugjatëve në Burkina Faso