Reshjet e shiut shkaktojnë përmbytje në qytetet rreth liqenit të Komos në Itali

Reshjet e dendura të shiut që përfshinë qytetet italiane rreth liqenit të Komos, shkaktuan përmbytje dhe rrëshqitje të mëdha dherash.

Dhjetëra banesa u zhytën nën ujë, ndërsa dëmet e shkaktuara në tokat bujqësore llogariten në miliona euro.

Sipas ekspertëve, krahasuar me të njëjtën periudhë të një viti më parë, stuhitë e breshërit në Itali janë trefishuar.

Moti i keq pason një fundjavë të nxehtë në pjesën jugore të Italisë, ku zjarret shkaktuan dëme të mëdha kryesisht në ishullin e Sardenjës.

Sipas ekspertëve, shkak kryesor për këto kushte ekstreme të motit janë ndryshimet klimatike.

LEXONI GJITHASHTU:

• Gjermania has vështirësi në pastrimin e plehrave që sollën përmbytjet
• Përmbytjet në Gjermani e Kinë lidhen me ngrohjen globale, sipas ekspertit
• Përmbytje në Londër, metrotë dhe rrugët nën ujë
• Përmbytje në Belgjikë, reshjet e dendura të shiut shkaktojnë kaos në rrugë