KPA shtyn për në 3 gusht vendimin për prokurorin Besim Hajdarmataj

Më 3 gusht Kolegji i Posaçëm i Apelimit pritet të japë vendimin për prokurorin Besim Hajdarmataj.

Sipas KPA-së, shtyrja e vendimit është bërë me qëllim vijimin e hetimit dhe se është kërkuar dokumentacion shtesë nga Komisioni i Pavarur i Kualifikimit.

KPK e ka konfirmuar në detyrë Besim Hajdarmatajn, por ky vendim u ankimua nga Komisioneri Publik dhe Operacioni Ndërkombëtar i Monitorimit për arsye të pasurisë dhe profesionalizimit të prokurorit.

Gjatë seancave në Kolegjin e Posaçëm të Apelimit, Hajdarmataj është përplasur edhe me përfaqësuesin e ONM-së, Theo Jacobs.

Besim Hajdarmataj e ka filluar karrierën në sistemin e drejtësisë në vitin 1999 dhe përgjatë 20 viteve, ai ka mbajtur poste drejtuese në Prokurorinë e Tropojës dhe të Kurbinit.

Hajdarmataj është një nga prokurorët që hetoi ish-ministrin e Brendshëm, Saimir Tahiri.

LEXONI GJITHASHTU:

• KPA vendos më 29 korrik për prokurorin Besim Hajdarmataj
• Prokurori i Tahirit, komisioneri publik kërkon shkarkimin e Besim Hajdarmatajt
• Gjykata e Posaçme liron nga qelia ish-shefin e Logjistikës së burgut 313