Qindra të pastrehë dhe azilkërkues kërkojnë strehim në Francë

Qindra persona të pastrehë, përfshirë azilkërkues, pushtuan sheshin “Place des Vosges” në qendër të Parisit për të kërkuar strehim.

Sipas drejtuesve të organizatave mungesa e një strehimi është përkeqësuar në qytetet me popullsi emigrante si Parisi, Calais dhe Rennes.

Jean-Baptiste Eyraud, zëdhënës i një organizate, tha se ligji francez i garantonte çdo personi të drejtën e strehimit derisa të gjendej një zgjidhje më e qëndrueshme.

Grupi po i kërkon qeverisë të përdorë pronat private dhe publike për të krijuar strehim dinjitoz për njerëzit e pastrehë.

Një grua kongoleze e pastrehë rrëfen se telefonon në linjën e urgjencës për të gjetur një shtrat vetëm për të kaluar natën, por duhet të largohet ditën tjetër.

Shumë prej emigrantëve kanë mbërritur në Francë nga Afrika e Veriut, Lindja e Mesme dhe Azia, për të shpëtuar nga luftërat dhe varfëria.

LEXONI GJITHASHTU:

• 6 ishuj të qetë dhe pa COVID në Greqi që ja vlejnë t’i vizitoni këtë verë
• Qeveria e Maltës përgjegjëse për vrasjen e gazetares Daphne Caruana Galizia, thotë hetimi
• Situata në Maltë pas vrasjes së gazetares investigative Daphne Caruana Galizia