Formula 1, Vettel skualifikohet pavarësisht se e mbylli në vend të dytë garën në Hungari

Piloti gjerman i Aston Martinit, Sebastian Vettel, u s’kualifikua nga gara e Hungarisë pasi kishte zënë vendin e dytë.

Zyrtarët e Formulës 1 nuk mundën t’i merrnin makinës së gjermanit një mostër prej 1 litrash karburant sikurse e parashikon protokolli pas garës. Komisarët e pistës së Hungarisë thanë se nga makina e Vettel mundën të nxirrnin vetëm 0.3 litra karburant.

Kështu britaniku i Mercedesit, Lewis Hamilton u ngjit në vend të dytë duke zgjatur më tej kryesimin e kampionatit me 8 pikë larg holandezit të Red Bullit, Max Verstappen, ky e mbylli në vend të 9-të pas problemeve që hasi në nisje me përplasjet që ndodhën.

Në vendin e tretë u ngjit Carlos Sainz Jr. i Ferrarit. Sidoqoftë, gjermani Vettel ka mbetur ende në renditjen zyrtare i dyti, pasi Aston Martin e ka ende mundësinë për ta apeluar vendimin.

Gara e Hungarisë u fitua nga 24-vjeçari francez i Alpine, Ocon Esteban. Shoku i tij i skuadrës, Fernando Alonso u ngjit në vendin e katërt.

Hamilton kryeson kampionatin me 192 pikë, kundrejt 186 që ka Verstappen.

LEXONI GJITHASHTU:

• Piloti francez fiton garën e parë, Hamilton kalon me pikë Verstappen