Peleshi: Zjarret janë të qëllimshme, i kemi denoncuar në polici

Në një intervistë për Euronews Albania, ministri i Mbrojtjes Niko Peleshi deklaroi se një pjesë e zjarreve që kanë përfshirë vendin janë të qëllimshme dhe disa prej autorëve janë identifikuar.

Ai thotë se kryesisht janë barinj të zonës që bëjnë një veprim të tillë për të hapur kullota të reja.

“Kanë qenë për hapje kullote, të qëllimshme. I kemi dërguar emra konkretë policisë”, tha ministri i Mbrojtjes.

Peleshi tha se aktualisht janë angazhuar 500 efektivë të Forcave të Armatosura, 50 mjete dhe 3 helikopterë, zjarrfikës e autoambulanca për shuarjen e zjarreve.

300 metra larg bazës ushtarake se “Pasha Limanit”, ndodhet një vatër zjarri. Në rrezik duken dhe banesat në Dukatin e Poshtëm.

Përveç qarkut Vlorë, zjarret janë përhapur në gjithë Shqipërinë. Gjithashtu puna po vijon për vënien nën kontroll të zjarrit të rënë në fshatin Qesorat, të njësisë administrative Lunxhëri në bashkinë e Gjirokastrës, ku bashkë me punonjësit e shërbimit të zjarrfikëses së këtij qarku janë bashkuar edhe 20 efektivë të Forcave te Armatosura.

LEXONI GJITHASHTU:

• Shënohet viktima e parë nga zjarret, evakuohen 3 fshatra në Gjirokastër
• Qeveria angazhon dy helikopterë të tjerë për shuarjen e zjarreve në Karaburun
• Parku i Llogarasë në rrezik nga zjarri, Shqipëria u kërkon ndihmë strukturave ndërkombëtare