Duhen më shumë helikopterë për shuarjen e zjarreve në Shqipëri, thotë eksperti

Këshilltari i Presidentit për Mbrojtjen Civile, Shemsi Prençi tha për Euronews Albania se duhen më shumë helikopterë për shuarjen e zjarreve në Shqipëri.

Sipas tij strukturat e Mbrojtjes Civile nuk funksionuan ndërsa theksoi se rasti i zjarrit masiv në Gjirokastër ishte një shembull i keq sesi duhet reaguar për të shuar zjarret afër shtëpive të banimit.

“Ministria e Mbrojtjes duhet të kishte vënë në gatishmëri flotën ajrore për të përballuar situatat e zjarreve gjatë verës dhe flota duhet të ishte e gatshme që në qershor,” – deklaroi Prençi.

Ai theksoi se helikopterët janë thelbësorë në të tilla kushte dhe zyrtarët shtetëror nuk i ishin drejtuar Mekanizmit të Mbrojtjes Civile Europiane, ndërkohë që duhet kërkuar ndihmë qoftë dhe nga kompani private për aq kohë sa kapacitetet për të shuar zjarret nuk janë të mjaftueshme dhe jetë njerëzish po kërcënohen.

LEXONI GJITHASHTU: 

• Holanda pritet të nisë 4 helikopterë në ndihmë të Shqipërisë për zjarret
• Vijojnë në përmasa shqetësuese zjarret në Karaburun
• Vatrat e zjarrit në Gjirokastër janë shuar, thotë ministri Peleshi