BE mundëson logjistikë për shuarjen e zjarreve, përfiton dhe Shqipëria

BE aktivizoi sot “Mekanizmin e Mbrojtjes Civile” për të ndihmuar shtetet si Shqipëria që janë prekur nga zjarret masive.

Në njoftiin e BE u tha se janë vënë në gatishmëri:

• Dy helikopterë – nga Holanda e Çekia për Shqipërinë;
• 45 zjarrfikës – nga Sllovenia për Maqedoninë e Veriut;
• Dy avionë për shuarjen e zjarreve – nga Qipro për Greqinë;
• Dy avionë për shuarjen e zjarreve – nga Franca për Italinë;

Ndihma përmes “Mekanizmit të Mbrojtjes Civile të BE-së” mbulon edhe 75% të kostove të transportit.

Paralelisht BE thotë se ka vënë në dispozicion edhe hartat satelitore nga sateliti i saj për shërbimet e urgjencës për të koordinuar operacionet.

Angazhimi i helikopterëve nga Holanda e Çekia për Shqipërinë u raportua më herët edhe nga Euronews Albania.

Lajmin e përshëndeti Presidenti Ilir Meta dhe kryetari i PD-së, Lulzim Basha përmes postimeve në rrjetet sociale.

Meta dhe Basha adresuan mirënjohje për solidaritetin e BE-së që ndihmon “përherë në momente kritike”.

LEXONI GJITHASHTU:

• Holanda e Çekia pritet të nisin helikopterë në ndihmë të Shqipërisë për zjarret
• Ka dyshime më të forta se zjarret janë të qëllimshme, thotë ministri Peleshi
• Mijëra njerëz shpërngulen nga zjarret pranë Athinës në Greqi
• Të paktën 8 të vdekur nga zjarret në Turqi, vijojnë operacionet e shpëtimit në Greqi e Itali