SPAK dërgon në gjyq 23 persona të lidhur në grup narkotrafiku në Skrapar

SPAK njoftoi sot se dërgoi për gjykim çështjen në lidhje me grupin e Skraparit që kultivonte dhe trafikonte qindra kilogramë kanabis në bashkëpunim me policë dhe funksionarë publik.

Të paktën 23 persona, që u arrestuan më 8 janar, janë dërguar si të pandehur në Gjykatën e Posaçme. Shumica akuzohen për kultivim dhe trafikim kanabisi, pesë për grup të strukturuar kriminal, ndërsa gjashtë prej tyre për shpërdorim detyre.

Gjatë hetimeve që nisën në vitin 2020, SPAK tha se grupit iu kap 176 kilogramë kanabis e bërë gati për t’u trafikuar ndërsa ishin ngritur 28 parcela ku kultivoheshin bimët.

Parcelat ishin ngritur me impiante vaditjeje, vendqëndrimi dhe vendstrehimi për punonjësit që merreshin me fidanët.

Grupi u kap në përgjime të prokurorisë, të cilat nxorën në pah faktin se katër policë, mes të cilëve shefi i Stacionit Policor Poliçan, dekonspironin operacionet antikanabis që planifikoheshin në Skrapar.

Akuzohen për grup kriminal dhe narkotrafik:

1. 1. 1. Arben Lekli,
      2. Sefedin Doklaj,
      3. Alban Bendo,
      4. Fatjon Beshiri,
      5. Anxhela Beshiri,

Akuzohen për kultivim narkotikësh:

1. 1. 6. Esmerald Kaposhi,
      7. Selfo Kaposhi,
      8. Zylyftar Zhurda,
      9. Ilia Ballo,
      10. Elson Dusho,
      11. Teki Dusho,
      12. Fuat Dusho,
      13. Altin Sula
      14. Redian Shimi,
      15. Ilir Shimi.

Akuzohen për shpërdorim detyre:

1. 1. 16. Klement Zeqo, ish-punonjës policie,
      17. Bardhyl Çela, ish-punonjës policie,
      18. Astrit Duro, ish-punonjës policie,
      19. Neritan Naska, ish-shef i Stacionit të Policisë Poliçan,
      20. Edmond Zotkaj, ish-administrator i Njësisë Administrative Tërpan,
      21. Fatos Lamaj, ish-kryeplak i fshatit Çorrogjaf,

Olgert Dusho përveçse për kultivim narkotikësh, akuzohet dhe për armëmbajtje pa leje dhe falsifikim parash. Ndërsa Enver Muçaj për moskallëzim krimi.

LEXONI GJITHASHTU:

• Klandestinë për kultivimin e kanabisit, efektivët e policisë dekonspironin operacionet
• Nuk kontrolluan zonën për kanabis, pezullohet nga detyra shefi i komisariatit të Skraparit dhe 4 efektivë
• Operacion anti-drogë në Berat dhe Skrapar, SPAK lëshon 23 urdhër-arreste, mes tyre policë e zyrtarë