Menaxhere e një klinike mjekësore në Londër, Xhixha: Respektoni rregullat

Donika Xhixha, menaxhere e një klinike mjekësore në Londër tregon se, komunikojnë me pacientët vetëm përmes telefonit pasi nuk lejohet që të hyjnë në klinikë.

Mjekët e familjes tregon znj. Xhixha janë vija e parë që përballen me pacientët që kanë simptoma të COVID-19.

Nga 7 mijë pacientët që mbulon klinika e saj, shumë prej kërkojnë këshilla se si të mbrohen nga coronavirus.

Deri tani në Britaninë e Madhe nga testimi i mbi 90 mijë personave, rezultojnë të infektuar mbi 8 mijë persona nga të cilët 422 kanë humbur jetën nga COVID-19.

“Mesazhi im për shqiptarët është se duhet të bashkohen, të mirëkuptojnë njëri-tjetrin, të falin, të bashkohen për të mirën e të gjithëve në respektimin e rregullave”, deklaroi znj. Xhixha.