Rama: Gjermania kërkon krijimin e tregut të përbashkët në Ballkanin Perëndimor

Kryeministri i Shqipërisë, Edi Rama përmes një postimi në “Twitter” thotë se Gjermania mbështet iniciativën “Open Balkan”. Reagimi i tij vjen pas zërave kundër në Kosovë, ku qeveria atje e konsideron si të panevojshme.

“Open Balkan thotë qeveria gjermane duhet të jetë gjithëpërfshirës dhe po, patjetër, kështu duhet të jetë e ndaj dera është e hapur, por as nuk përfshijmë dot kënd me zor, as nuk rrimë dot të presim sa t’u mbushet mendja atyre që s’duan të kuptojnë se kjo është rruga e të ardhmes”, shkruan Rama.

“ÇUDI”! Qeveria gjermane e mbështeska Open Balkan ndryshe nga çfarë u thuhet njerëzve në Prishtinë e Tiranë prej atyre që s’pyesin për Amerikën dhe jo vetëm kaq, po kërkon nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan në 6 tetor!

— Edi Rama (@ediramaal) August 11, 2021

Sipas kreut të qeverisë shqiptare, Gjermania ka bërë thirrje që vendet e Ballkanit Perëndimor të nënshkruajnë marrëveshje për krijimin e tregut të përbashkët para samitit BE-Ballkan.

“ÇUDI”! Qeveria gjermane e mbështeska Open Balkan ndryshe nga çfarë u thuhet njerëzve në Prishtinë e Tiranë prej atyre që s’pyesin për Amerikën dhe jo vetëm kaq, po kërkon nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan në 6 tetor”, shprehet Rama.