Plagosi shokun në Ksamil, arrestohet 28-vjeçari bashkë me një italian

Një 28-vjeçar mbeti i plagosur të premten në mbrëmje në zonën e Ksamilit në Sarandë.

Për këtë ngjarje janë arrestuar dy persona si dhe vetë i plagosuri ndërsa është sekuestruar një pistoletë.

Edison Vyzaj, 28 vjeç, banues në Shkodër, është arrestuar për plagosje të rëndë, për armëmbajtje dhe shitje lënde narkotike.

Gjithashtu është arrestuar dhe një shtetas italian. Makawitage Perera, 24 vjeç, akuzohet për pengim në zbulimin e të vërtetës.

I plagosuri Tauland Beqiri akuzohet për shitje të lëndëve narkotike dhe mos kallëzim të krimit pasi nuk pranoi të tregonte për policinë mbi atë që kishte ndodhur.

Ndërsa ndodheshin në një hotel në Ksamil, Edison Vyzaj ka plagosur me pistoletë shokun e tij, Tauland Beqiri.

Pas kësaj, italiani Makawitage Perera ka fshehur armën e përdorur në këtë ngjarje.

Pas kontrollit, policia përveç pistoletës gjeti dhe një sasi lënde narkotike, që nuk bëhet e ditur.