Shtimi i infektimeve të reja rrit numrin e qytetarëve që duan të vaksinohen

Numri i vaksinimeve në vend ka arritur mbi 1.3 milionë, ndërsa me të dyja dozat janë vaksinuar rreth 600 mijë qytetarë.

Përveçse në qendrat ku janë ngritur çadrat e vaksinimit masiv, të gjithë personat mbi 18 vjeç me një kartë identiteti mund të drejtohen në qendrën shëndetësore të tij për të marrë vaksinën.

“Për herë të parë e bëra, meqë ishte për t’u bërë, si gjithë dynjaja”, thotë një 70-vjeçar, teksa thekson se deri tani kishte hezituar pasi nuk kishte pasur besim tek vaksinat e tjera.

“Vaksinën ma zgjodhi mjeku, i thashë të më jepnin Pfizer nëse kishin mundësi dhe më tha, çfarë të duash ti”, tregon i moshuari.

Por qytetarët nuk mund ta zgjedhin vetë llojin e vaksinës që duan, atë e zgjedh mjeku i familjes ndonëse ka edhe raste të rralla.

Në qendër shëndetësore duhet të paraqiteni nëse keni paqartësi për certifikatën e vaksinimit.

Vaksinat që po përdoren aktualisht në Shqipëri janë AstraZeneca, Pfizer, Coronavac dhe Sputnik.

LEXONI GJITHASHTU:

• Ulen fondet për shëndetësinë, paratë shkojnë për vaksina, check-up dhe spitalet rajonale
• OKB ngre shqetësim për vaksinat e papërdorura