Lilë, hiqen përkohësisht stolat e parqeve

Kryetari i bashkisë së Madeleine, një qyteze të Lilës, Sebastian Lepretre, tha se ka hequr stolat nëpër parqe që t’i bëjë njerëzit t’i binden rregullave për ruajtjen e distancës shoqërore.

“Përderisa nuk binden as me gjoba që të mos qëndrojnë pranë njëri-tjetrit, mbetet vetëm një zgjidhje: të hiqen stolat nga hapësirat publike”, shkroi Lepretre.

“Sigurisht, do të rivendosen kur të jenë hequr kufizimet”, sqaroi kryetari i bashkisë.

Madeleine ka 21 mijë banorë dhe është në veri të Lilës. Kryetari i bashkisë tha për mediat se këto masa merren kur bëhet fjalë për çështje jete a vdekjeje.

“U bënë tetë ditë që njerëzit vijnë të marrin rreze dielli, të diskutojnë e të shëtisin”, tha ai.

“Duke qenë se kemi të bëjmë me njerëz të papërgjegjshëm, duhet të marrim masa që nuk duhej t’i kishim marrë ndonjëherë”.

Quand même les amendes ne suffisent pas à dissuader certains inconscients de braver les règles du confinement, il n y a alors plus qu une solution : enlever les bancs de l espace public ?‍♂️
Ils seront évidemment réinstallés quand le confinement aura été levé. #RestezChezVous pic.twitter.com/Kr3CCy7vEM

— Sébastien Leprêtre (@lepretre_seb) March 25, 2020