Vllaznia marshon në Champions, vajzat shkodrane mes 32 më të mirave të Europës

Skuadra e Vllaznisë për femra në futboll e ka nisur me këmbën e mbarë aventurën në Champions pasi ka kaluar me sukses raundin e parë duke mundur me 11 metërsha skuadrën hungareze tw Ferencváros.

Vajzat kuqeblu edhe këtë edicion përmbushën pritshmëritë duke kaluar mes 32 më të mirave të Champions League.

Koha e rregullt u mbyll me rrjeta të paprekura, ashtu si dhe koha shtesë, pavarësisht mundësive që ekipi shkodran pati për të shënuar. Nga pika e bardhë e 11-metërshave, Vllaznia u tregua më e saktë, duke triumfuar me rezultatin 3-1. Gjini, Mosdoczi, Franja dhe Berisha ishin vajzat që i dhanë një sukses shumë të rëndësishëm skuadrës shkodrane. përballë. 

Kalimi më mes 32 skuadrave më të mira sjell dhe përfitime financiare për klubin kuqeblu, që prej vitesh dominon futbollin shqiptar dhe përfaqëson Shqipërinë në arenën ndërkombëtare.

Shorti për raundin tjetër do të hidhet të dielën, ku Vllaznia do mësojë dhe kundërshtarin që do ketë.

LEXONI GJITHASHTU:

• Vllaznia konfirmon Brdariç, në Conference League luan ndaj një ekipi boshnjak
• Fiton Laçi, Partizani, Vllaznia dhe Teuta zhgënjejnë në Conference League
• Laçi e Vllaznia kërkojnë kualifikimin për në raundin e tretë të “Conference League”