Shembet ndërtesa në Torino, ndërron jetë 4-vjeçari shqiptar, plagoset nëna e tij dhe 2 të tjerë

Një fëmijë shqiptar ka humbur jetën, ndërsa nëna e tij dhe 2 persona të tjerë kanë mbetur të plagosur pasi ndërtesa ku ata jetonin në periferi të Torinos, në Itali u shemb.

Mediat italiane thonë se 4-vjeçari me emrin Aron është nxjerrë i pajetë nga rrënojat e ndërtesës, dykatëshe që dyshohet se ishte shembur nga shpërthimi i një bombole gazi.

Ndërtesa e ndarë në rreth 8 apartamente ishte e banuar kryesisht nga shtetas shqiptarë dhe rumunë.

Mediat italiane bëjnë me dije se 34-vjeçarja shqiptare, identiteti i të cilës nuk bëhet me dije është nxjerrë nga rrënojat me plagë të shumta, ndërsa bashkëshorti i saj i cili mbërriti në vendngjarje pas tragjedisë u dërgua në spital në gjendje shoku. Dy shtetasit e tjetër të plagosur raportohet se janë rumunë.