Kryesia e re e PD, figurat e reja nga Gjekmarkaj te Zekthi, Agron Shehaj mbetet jashtë

Zbulohen anëtarët e rinj të kryesisë së Partisë Demokratike. Janë disa emra të rinj që futen për herë të parë në Kryesinë e PD, duke filluar nga Agron Gjekmarkaj, te Fitim Zekthi, Kreshnik Çollaku, Tomor Alizoti dhe Lindita Metaliaj.

15 anëtarëve të zgjedhur me votën e anëtarëve të Këshillit Kombëtar, në kryesi i shtohen edhe krerët e sekretariateve, nënkryetarët dhe drejtuesit e organizatave partnere të PD.

Gazetari i Euronews Albania, Ardit Hoxha raportoi nga selia e PD se 15 anëtarëve të zgjedhur me votën e anëtarëve të Këshillit Kombëtar u bashkëngjiten krerët e sekretariateve dhe nënkryetarëve, çka e çon përbërjen e kryesisë në 38 anëtarë, më shumë se sa pasur më parë.

Raportohet se nga numërimi i votave, që u mbyll rreth orës 1.30 të mëngjesit të sotëm, rezultoi se disa nga figurat e njohura në PD mbetën jashtë kryesisë për shumë pak vota.

I tillë është rasti i Agron Shehaj, i cili nuk ka mundur të bëhet anëtar i kryesisë së PD për 7 vota, apo Xhelal Mziu, që mbeti jashtë për vetëm 3 vota.

LEXONI GJITHASHTU:

• PD bëhet me 4 nënkryetarë, Basha kërkon reformë zgjedhore e territoriale
• Figurat e reja në drejtimin e PD, profili i katër bashkëpunëtorëve të Bashës në parti dhe parlament