Presidenti i Sllovenisë kundërshton idenë për ndryshim kufijsh në Ballkan

Presidenti i Sllovenisë, Borut Pahor në fjalën hapëse të “Forumit Strategjik të Bled” tha se idetë për ndryshimin e kufijve në Ballkani Perëndimor janë të rrezikshme.

Ai inkurajon Bashkimin Evropian të përshpejtojë procesin e zgjerimit në Ballkan, pasi kjo qasja do të forconte integritetin territorial.

“Besoj se ndryshimi i kufijve nuk mund të bëhet në mënyrë paqësore. Vetëm një zgjerim i shpejtë i BE-së te shtetet e Ballkanit Perëndimor, mund të forcojë parimin e integritetit territorial, dhe sigurinë në rajon e më gjerë”, ka thënë Pahor.

Ai theksoi se zgjerimi është interes i dyanshëm si për BE ashtu edhe për Ballkanin Perëndimor.

Sipas presidentit slloven, çdo vonesë në këtë aspekt do të prodhonte pasoja të padëshirueshme, ndër të cilat renditi: zbehjen e besimit të dyanshëm, ngadalësim të reformave, ngritje të nacionalizimit dhe hapja e rrugëve për ndikimin e të ashtuquajturave shtete të treta”.

Gjithashtu z. Pahor u shpreh pro iniciativës së “Open Balkan”, pavarësisht se theksoi se mbi këtë çështje ka ide dhe këndvështrime të ndryshme.

Në këtë forum po marrin pjesë edhe përfaqësuesit më të lartë të shteteve të Ballkanit Perëndimor.

LEXONI GJITHASHTU:

• Kryeministri Rama: S’ka të ardhme të Evropës pa Ballkanin në BE
• Albin Kurti shpalos dy arsye pse duhet integrimi i Ballkanit në BE