Polonia shpall gjendjen e jashtëzakonshme në dy provinca, shkak fluksi i emigrantëve nga Bjellorusia

Polonia ka shpallur gjendjen e jashtëzakonshme në dy provinca pranë kufirit të saj me Bjellorusinë, për shkak se ka pasur një fluks emigrantësh në kufi. Për këtë situatë Varshava fajëson Minskun.

Andrzej Duda mori vendimin të enjten, për dy provincat, Podlaskie dhe Lubelskie.

Por, organizata për të drejtat e njeriut “Amnesty International” denoncoi gjendjen e jashtëzakonshme duke thënë se mund të “përkeqësojë situatën tashmë të tmerrshme” për emigrantët e mbetur në kufi.

Organizata tha se ishin 32 afganë, përfshirë 4 gra, 27 burra dhe një vajzë 15-vjeçare, të cilët u përzunë nga Polonia dhe “janë mbajtur atje pa ushqim të përshtatshëm dhe ujë të pastër për më shumë se tre javë”.

Polonia është një nga shumë vendet e BE -së që ka akuzuar Bjellorusinë për dërgimin e emigrantëve përtej kufirit si pjesë e një “lufte hibride” në përgjigje të sanksioneve.

BE vendosi sanksione ndaj Bjellorusisë pas rizgjedhjes së diskutueshme të Lukashenkos në vitin 2020.

Polonia ka thënë se do të ndërtojë një gardh përgjatë kufirit, për të parandaluar hyrjen e emigrantëve edhe pse Gjykata Evropiane e të Drejtave të Njeriut u kërkoi vendeve të ndihmojnë emigrantët e bllokuar në kufijtë e tyre me Bjellorusinë.

LEXONI GJITHASHTU:

• Jeta e re në Afganistan, vendi përballë kolapsit ekonomik, ardhja e talebanëve rrit kërkesën për burka
• Rreziku nga terrorizmi islamik, eksperti: Minimal nëse talebanët nuk mbështeten nga fuqitë e huaja
• Estonia dhe Greqia vendet që shpenzojnë më shumë për mbrojtjen