Ronaldo shpreh mirënjohje publike për Edinson Cavanin

Tashmë është zyrtare se Cristiano Ronaldo do të mbajë numrin 7 tek Manchester United.

Ylli portugez këtë verë kërkoi largim nga Juventusi për t’u rikthyer në Premier Ligën angleze te ish-klubi i tij.

Pas transferimit, dilema kryesore ishte cilin numër do të mbante Ronaldo pasi tek “Djajtë e Kuq” numri 7 e kishte sulmuesi, Edinson Cavani.

Por, ky i fundit ishte i gatshëm t’i jepte numrin transferimit të bujshëm të Manchester United.

Pas këtij gjesti të mirë nga ana e yllit uruguaian, ku edhe u konfirmua se Ronaldo do të mbajë 7 në fanellë, portugezi shfrytëzoi rastin që ta falënderonte Cavanin për gjestin e bërë.

“Të jem i sinqertë nuk isha i sigurt që përsëri do të ishte e mundur që ta mbaja numrin shtatë në fanellë. Kështu që i jam tejet falënderues Cavanit për këtë gjest të mrekullueshëm”, tha Ronaldo.

Sulmuesi nga Uruguai do të mbajë numrin 23 në fanellë. Manchester United këtë sezon pret shumë nga Cristiano Ronaldo, i cili është shprehur publikisht se do bëjë gjithçka për të lartësuar skuadrën e “Djave të kuq”.