Pajisnin pa licencë, udhëtarët me teste të shpejta për COVID-19, 5 të arrestuar në Durrës

Policia e Durrësit ka arrestuar 5 persona dhe ka shpallur në kërkim 1 tjetër pasi pajisnin udhëtarët me teste të shpejta për “COVID-19”, pa qenë të licencuar.

Në kuadër të operacionit të koduar ‘Laboratori’ janë arrestuar shtetasit: Eva Haruni 34 vjeçe, banuese në Tiranë; Elio Agolli, 24 vjeç, banues në Tiranë; Ervin Çela, 29 vjeç, banues në Tiranë; Anxhela Spahiu, 24 vjeçe, banuese në Durrës dhe Aida Pisli, 25 vjeçe, banuese në Durrës.

Burime nga policia e qytetit bregdetar thonë se këta shtetas, në bashkëpunim me njëri-tjetrin, në një laborator në lagjen nr.4, Durrës, duke përfituar nga situata e pandemisë COVID-19, kanë pajisur me test “Rapid”, 483 shtetas të cilët do udhëtonin në drejtim të Italisë, pa qenë të licencuar nga instancat përkatëse.

LEXONI GJITHASHTU:

• Infermieri i spitalit të Korçës arrestohet për vjedhje ilaçesh
• Arrestohet i riu nga Durrësi, lëvizte me armë zjarri dhe pranga si të policisë