Berisha flet për daljen nga politika, tregon çfarë do bënte nëse PD do t’i fitonte zgjedhjet

Ish-kryeministri Sali Berisha ka rrëfyer për herë të parë se ka menduar largimin nga politika.

Në një intervistë me Erla Mëhillin në Euronews Albania, Berisha u shpreh se e kishte menduar dorëzimin e mandatit të deputetit në rast se PD do t’i kishte fituar zgjedhjet parlamentare të 25 prillit.

“Nëse PD-ja do t’i fitonte zgjedhjet… të them të vërtetën, unë do ta dorëzoja mandatin, nuk kisha më…” – tha Berisha.

“Unë qëndroj në mbrojtje të interesave të saj, ndaj qeverisë dhe shoqërisë, tani PD-ja në qeveri, e kam thënë dhe e them prapë, unë kamxhik i opozitës në parlament nuk qëndroja, sepse nuk më takon ajo mua, kjo do të ndodhte,” – shtoi Berisha duke kujtuar se gjatë zgjedhjeve nuk bëri fushatë.

Gjithsesi me situatën e re, ku PD është në opozitë për të tretën herë radhazi, Berisha këmbënguli se “sa të ketë fuqi do të vijojë të jetë në politikë”.

Përballë pyetjes së Erla Mëhillit, nëse si rrjedhojë e argumentit nëse “paaftësia e udhëheqjes së PD-së” e ka mbajtur atë në politikë, Berisha kundërshtoi duke theksuar se arsyeja e qëndrimit në politikë ka qenë denoncimi i nëpërkëmbjes së interesit kombëtar, krimit të organizuar dhe korrupsionit.

LEXONI GJITHASHTU:

• Berisha për patronazhistët: Sistem i turpshëm, do kisha bojkotuar zgjedhjet po të isha kryetar i PD-së
• Berisha për shpalljen “non grata”: PD mbajti qëndrimin që duhej, kërkesë për transparencë
• Berisha për shpalljen “non grata”: PD-ja nuk angazhohet në këtë fushatë
• Berisha: Të premten do të jem në parlament në përputhje të plotë me vullnetin e shqiptarëve