Mësimi në Afganistan, një perde brenda klasës ndan vajzat nga djemtë

Pas marrjes së pushtetit nga talebanët studentët në Afganistan janë rikthyer në universitet.

Në disa foto të shpërndara në mediat është vënë re se brenda një klase djemtë dhe vajzat janë ndarë vetëm me një perde.

Ajo që ndodh në universitete dhe shkolla në të gjithë vendin do të monitorohet nga afër nga fuqitë e huaja për të parë se çfarë të drejtash do të kenë gratë tani që lëvizja militante islamike është rikthyer.

Disa vende perëndimore kanë thënë se ndihma dhe njohja e talebanëve do të varet nga mënyra se si ata e udhëheqin vendin, përfshirë trajtimin ndaj vajzave dhe grave.

Kur sundoi për herë të fundit nga 1996-2001, grupi ndaloi vajzat të shkonin në shkolla, universitet apo dhe të shkonin në punë.

LEXONI GJITHASHTU:

• Të shtëna me armë në Kabul gjatë protestave kundër talebanëve
• Rikthehet Trump, reklamë kundër presidentit Biden për Afganistanin
• Gjermania duhet të bisedojë me talebanët për vazhdimin e evakuimeve, thotë Merkel